बोली-भाषा


नवाणैं सि स्याणि छौं
गुणदारौं कू गाणि छौं

बरखा कि बत्वाणी छौं
मंगरौं कू पाणि छौं

निसक्का कि ताणि छौं
कामकाजि कू धाणि छौं

हैंकै लायिं-पैर्यायिं मा
अधीत सि टरक्वाणि छौं

कोदू, झंगोरु, चैंसू-फाणू
टपटपि सि गथ्वाणी छौं

हलकर्या सासु का बरड़ाट मा
बुथ्योंदारी सि पराणी छौं

अद्‍दा-अदुड़ी, सेर-पाथू
यूंकै बीचै मांणि छौं

बोली छौं मि भाषा छौं
अपड़ी ब्वै कि बाणी छौं

कॉपीराइट- धनेश कोठारी 

Popular posts from this blog

गढ़वाल में क्या है ब्राह्मण जातियों का इतिहास- (भाग 1)

गढ़वाल की राजपूत जातियों का इतिहास (भाग-1)

गढ़वाली भाषा की वृहद शब्द संपदा